La dopleadure amatoriâl dal «Signôr dai Anei" par furlan, il podcast su Tolkien, la publicazion anuâl "Contee furlane», il concors di dissen, la librerie associative, la partecipazion a events come Hobbiton. E cualchi gnove che e sarà pandude chi di pôc. Movintsi jenfri des oparis di John Ronald Reuel Tolkien e la lenghe furlane, a son cetancj i progjets de Aulùs APS rindûts pussibii graciis al sostegn di chei che a decidin di sotscrivi la tessare de associazion ancje pal an 2024. No cambie la cuote associative: 15 € che e puedin jessi paiâts in contants, cuntun bonific o cun PayPal.

Ce ricevino i socis?

Ai socis e rivarà in anteprime il gnûf numar di “Contee Furlane”, cun articui di aprofondiment su la lenghe furlane, su Tolkien e sui progjets de associazion, dut insiorât cu lis ilustrazions dai partecipants aes edizions dal concors «Il Signôr dai Anei di piturâ». A ducj i socis, cun di plui, al ven dât l’acès ae librerie associative e a vegnin inviâts par poste eletroniche i inzornaments parsore dai progjets de Aulùs, sostignûts propit in gracie dai tesseraments.

I socis, par ultim, e puedin vê il 5% di scont sui articui de Librarie Tarantola di Udin.

Cemût fâ par deventâ socis de Aulùs?

Se tu âs voie di deventâ soci de Aulùs APS tu puedis metiti in contat cuntun dai membris de associazion o par vie telematiche discjamant il modul che si pues cjatâ achì sot e mandantlu cu la pueste eletroniche, compilât dal dut, al recapit aulus.aps@gmail.com, cu la prove dal paiament (PayPal o bonific).

Modul di domande di iscrizion

Se tu sês za soci e tu âs voie di confermâ la tô sotscrizion, alore al baste fâ il paiament e visânus par pueste eletroniche a aulus.aps@gmail.com.

Chescj a son i dâts pal paiament (il cost al è, pal 2024, 15 €).

PayPal:

Bonific bancjari:

• Aulùs Aps, Civibank sede di Pasian di Prato
• Iban: IT 83 I 05484 64070 CC1013200500
• Causâl: Quota associativa 2024 "non e cognon".