I zovins de Aulùs APS a son disponibii a organizâ insiemi une serade intal to paîs: e je une propueste buine par i comuns, lis Pro Loco, lis parochiis e lis associazions.
Tolkien tal Friûl: a 50 agns de muart di Tolkien
La Aulùs APS e propon une serade di une ore e mieze, dute par furlan, cun leturis di Tolkien voltadis in marilenghe. Al è un moment perfet par sagris, fiestis di paîs o seradis culturâls, soredut se si à voie di ricuardâ il 50° aniversari de muart dal professôr-scritôr di Oxford, avignude ai 2 di Setembar dal 1973.
Vie pe serade si fevelarà ancje di cualchi progjet che la Aulùs APS e propon par difondi il furlan midiant de opare di Tolkien. A chei che a parteciparan al vignarà regalât cualchi gadget de Aulùs APS.
Il cost de serade, che al proviôt ancje cualchi spese pe SIAE, al è disponibil midiant contat e-mail al recapit aulus.aps@gmail.com. Par ogni informazion al è pussibil butâ un voli ae schede de serade.
