Un lunari dut par furlan, dut tolkienian, dut ilustrât. Al è il “Lunari Tolkienian 2023”, fat pe prime volte de Associazion Aulùs.

Insiorât ogni mês cu lis ineditis ilustrazions dai dissegnadôrs che, di dute Italie, a àn partecipât al resint concors «Il Signôr dai Anei di piturâ», il “Lunari Tolkienian” al presente ogni mês une divierse citazion tirade fûr de opare mestre di Tolkien, cun rigôr par furlan. Il lunari, realizât te version di taule o di scrivanie, al segnale lis datis plui impuartantis rivuart Tolkien e il Friûl, daûr di une misture carateristiche de Aulùs, la associazion che par prime e à dopleât par furlan i cines dal “Signôr dai Anei”.

Cemût fâ par vê il lunari

Il lunari al sarà disponibil fin al finiment des copis, cuntune ufierte minime di 10 €. Lis sôs dimensions a son 21x14 centimetris. Al è pussibil ancje ricevi il lunari par pueste, daûr di une zonte di 4 € par spedizions in Italie.

Par ricevi une copie si pô scrivi a: aulus.aps@gmail.com