Une sere par scoltâ Tolkien e cognossi i ultims progjets de Aulùs

Une sere tal non di Tolkien e dai progjets – in marilenghe – che la associazion Aulùs APS e propon par fâ cognossi chest autôr tal nestri Friûl. L'apontament al è par lunis ai 23 di Zenâr 2023, aes 20.30, in te sale de Pro Loco di Cjampfuarmit, in vie Edmondo De Amicis 2.

Dilunc de serade, gratis e vierte a ducj, si podarà scoltâ cualchi leture tolkieniane.

A saran presentâts i ultins progjets tolkienians de associazion Aulùs:

  • il Lunari Tolkienian 2023 (che si podarà puartâ a cjase);
  • la gnovissime trasmission radiofoniche su Radio Spazio, disponibile ancje in “podcast”;
  • le ultime edizion de riviste tolkieniane bilengâl «Contee furlane?.

Par concludi, si cjalarà ancje ai progjets futûrs, soredut leâts al cincuantesim aniversari de muart di John Ronald Reuel Tolkien (ai 2 di Setembar dal 1973).

Tra lis leturis, ae serade al intervignarà il president de Aulùs APS, Francesco Spizzamiglio, plui cualchi soci de associazion. A moderâ la serade al sarà il gjornalist Giovanni Lesa, diretôr responsabil di Contee Furlane e colaboradôr di Radio Spazio. Ae fin dal incuintri al sarà regalât a ducj un piçul gadget friul-tolkienian fat de Aulùs APS.

La serade e je organizade cul supuart dal Comun di Cjampfuarmit, dal progjet Cultura Nuova e de Pro Loco dal paîs.

La locandine (PDF)

La locandine (JPG)

L'event su Facebook

Altris articui


fur