Dut chest e je la maiute celebrative che la associazion Aulùs e à decidût di stampâ in ocasion de conclusion de dopleadure dal cine “Lis Dôs Toratis” e che chi di pôc e sarà a disposizion in 3 versions cun ancjetancj protagoniscj: Gandalf, Gimli e Galadriel. Par denant une ilustrazion inedite di un dai dopleadôrs, Marco Midun, e par daûr une citazion par furlan cjapade di une des batudis dal personaç. A cui che al varà voie di vê une, si domande dome une ufierte par cuvierzi lis spesis de stampe (a scomençâ di 15 euros); par sielzi il model e la misure, al baste compilâ il modul google achì sot.

N.B.: par vê lis maiutis in timp par Nadâl, lis prenotazions par cheste prime edizion limitade a sieraran ai 30 di Novembar.

Prenotazions sieradis