La dopleadure amatoriâl dal «Signôr dai Anei» par furlan, la publicazion anuâl «Contee furlane», il concors di dissen, la librerie associative, la partecipazion a events come Hobbiton. E cualchi gnove che e sarà pandude chi di pôc. Movintsi jenfri des oparis di John Ronald Reuel Tolkien e la lenghe furlane, a son cetancj i progjets de Aulùs APS rindûts pussibii graciis al sostegn di chei che a decidin di sotscrivi la tessare de associazion. De metât di Novembar, duncje, al è pussibil deventâ socis de Aulùs APS par l’an 2023. No cambie la cuote associative: 15 € che e puedin jessi paiâts in contants, cuntun bonific o cun PayPal.
![](https://www.associazioneaulus.it/wp-content/uploads/2022/11/Aulus-a-Pordenone-con-Dimichino-e-Paron.jpg)
Ce ricevino i socis?
Ai socis e rivarà in anteprime il gnûf numar di “Contee Furlane”, cun articui di aprofondiment su la lenghe furlane, su Tolkien e sui progjets de associazion, dut insiorât cu lis gnovis ilustrazions dai partecipants al concors «Il Signôr dai Anei di piturâ». A ducj i socis, cun di plui, al è consegnât in regâl cualchi gadget de Aulùs APS, al ven dât l’acès ae librerie associative e a vegnin inviâts par poste eletroniche i inzornaments parsore dai progjets de Aulùs, sostignûts propit in gracie dai tesseraments.
I socis, par ultim, e puedin vê il 5% di scont sui articui de Librarie Tarantola di Udin.
![](https://www.associazioneaulus.it/wp-content/uploads/2022/08/Contee-Furlane-foto-1024x768.jpg)
Cemût fâ par deventâ socis de Aulùs?
Se tu âs voie di deventâ soci de Aulùs APS tu puedis metiti in contat cuntun dai membris de associazion o par vie telematiche discjamant il modul che si pues cjatâ achì sot e mandantlu cu la pueste eletroniche, compilât dal dut, al recapit aulus.aps@gmail.com, cu la prove dal paiament (PayPal o bonific).
![](https://www.associazioneaulus.it/wp-content/uploads/2022/07/Download.png)
Se tu sês za soci e tu âs voie di confermâ la tô sotscrizion, alore al baste fâ il paiament e visânus par pueste eletroniche a aulus.aps@gmail.com.
Chescj a son i dâts pal paiament (il cost al è, pal 2023, 15 €)
PayPal:
Bonific bancjari:
- Aulùs Aps, Civibank sede di Pasian di Prato
- Iban: IT 83 I 05484 64070 CC1013200500;
- Causâl: Quota associativa 2023 "nome cognome".
![](https://www.associazioneaulus.it/wp-content/uploads/2022/11/Tessera-Aulus.jpg)