Ce isal di miôr di une cene in buine compagnie, fevelant di chel libri di Tolkien o di chel altri cine di Peter Jackson? Vinars ai 27 di Novembar, tacant des 7 sot sere inte baite dai Alpins di Varian, ducj i socis de associazion Aulùs APS (e ducj chei che a àn voie di deventâlu) a son invidâts par un moment di fieste ducj insiemi, cun bogns plats e, cemût che o vin dit, buine compagnie. Propit intal stîl de Contee, dulà che i hobbits a cjatin gjonde intal tirâsi dongje a mangjâ insiemi.
La ocasion de cene e je ancje une biele oportunitât par rinovâ la cuote anuâl pal 2027 ae associazion Aulùs (cuote che, a dispiet de inflazion, e reste ferme a 15 euros). E, cemût che aromai e je tradizion, la cene e sarà ancje la ocasion par donâi ai socis il gnûf e cetant spietât gadget Aulùs 2027.
Cui che al vûl al podarà contribuî cuntune piçule ufierte par judâ a cuvierzi lis spesis de cene.
Par partecipâ ae cene al è necessari compilâ il modul digjitâl.
