“Une fieste spietade a dilunc”, al disarès cualchidun. La spiete e je finide: cuatri agns di lavôr a àn puartât socis, amîs e colaboradôrs de Aulùs APS ae realizazion de dopleadure par furlan dal cine “Il Signôr dai Anei – lis dôs Toratis”. Il secont cine de trilogjie di Peter Jackson al sarà proietât pe prime volte sabide ai 2 di Avost a Varian, sul cuel di san Lenart, intune serade di cine inmaneade dal comun di Basilian in colaborazion cu la gnove Pro Loco di Varian.

La serade e scomençarà aes 18, cuant che la culine si jemplarà di cosplayers a teme “Il Signôr dai Anei”, barachins par mangjâ e bevi e zûcs sglonfabii pai plui piçui. Aes 20.45 e scomençarà la proiezion da “Lis dôs Toratis”, secont cine dopleât dut par furlan.

La partecipazion ae proiezion e je libare e nol covente segnâsi. Al sarà pussibil puartâ cjase un gadget da “Il Signôr dai Anei” o un dai ultins numars de riviste Contee furlane.

Se al ves di plovi, la proiezion e je posticipade a vinars ai 19 di Setembar, intal stes lûc e ae stesse ore.

► Locandine de serade – Version JPG

► Locandine de proiezion dal cine – Version JPG