Hobbiton a Pordenon: ai 3 di Setembar al sarà ancje «Il Signôr dai Anei»

E sarà presinte ancje la nestre associazion, Aulùs APS, ae XXVII edizion di Hobbiton, le grande fieste che la Societât Tolkieniane Taliane (Società Tolkieniana Italiana) e organize par celebrâ lis oparis di John Ronald Reuel Tolkien.

Apontament sabide ai 3 di Setembar 2022, des 10 di buinore aes 8 sotsere , al PAFF (Palazzo Arti e Fumetto del Friuli) di viâl Dante 33 a Pordenon.

Il PAFF al è a Pordenon, in viâl Dante 33

Il program, c'al vignarâ publicât cà di pôc sul sît internet de Societât Tolkieniane Taliane, al proviôt incuintris, libris, zûcs di rûl, aprofondiments su lis lenghis de Tiere di Mieç e, soredut, tant divertiment.

E o sarìn ancje noaltris di Aulùs! O fasarìn viodi cualchi toc dai cines «Il Signôr dai Anei» dopleâts par furlan, a saran des copiis de nestre riviste «Contee furlane», si podarâ fâ une simpatiche prove di dopleament e al sarà pusibil sustignî l'associazion fasint la tessarute sociâl.

Di man çampe: Domenico Dimichino (president de Societât Tolkieniane Taliane), Paolo Paron (president onorari de S.T.T.), Francesco Spizzamiglio (president de Aulùs APS) e Emanuele Paravano (vice-president de Aulùs APS)

Altris articui


fur