Tesserament pal 2023: sosten i progjets de Aulùs su Tolkien e sul Furlan

La dopleadure amatoriâl dal «Signôr dai Anei» par furlan, la publicazion anuâl «Contee furlane», il concors di dissen, la librerie associative, la partecipazion a events come Hobbiton. E cualchi gnove che e sarà pandude chi di pôc. Movintsi jenfri des oparis di John Ronald Reuel Tolkien e la lenghe furlane, a son cetancj i progjets de Aulùs APS rindûts pussibii graciis al sostegn di chei che a decidin di sotscrivi la tessare de associazion. De metât di Novembar, duncje, al è pussibil deventâ socis de Aulùs APS par l’an 2023. No cambie la cuote associative: 15 € che e puedin jessi paiâts in contants, cuntun bonific o cun PayPal.

Un pôcs dai zovins di Aulùs cun Paolo Paron (president onorari de Societât Tolkieniane Taliane) e Domenico Dimichino (president atuâl) al Hobbiton dai 3 di Setembar 2022.

Ce ricevino i socis?

Ai socis e rivarà in anteprime il gnûf numar di “Contee Furlane”, cun articui di aprofondiment su la lenghe furlane, su Tolkien e sui progjets de associazion, dut insiorât cu lis gnovis ilustrazions dai partecipants al concors «Il Signôr dai Anei di piturâ». A ducj i socis, cun di plui, al è consegnât in regâl cualchi gadget de Aulùs APS, al ven dât l’acès ae librerie associative e a vegnin inviâts par poste eletroniche i inzornaments parsore dai progjets de Aulùs, sostignûts propit in gracie dai tesseraments.

I socis, par ultim, e puedin vê il 5% di scont sui articui de Librarie Tarantola di Udin.

Il prin numar di «Contee furlane», mandât fûr tal 2022. Tal mês di Zenâr 2023 al vignarâ mandât fûr il secont numar.

Cemût fâ par deventâ socis de Aulùs?

Se tu âs voie di deventâ soci de Aulùs APS tu puedis metiti in contat cuntun dai membris de associazion o par vie telematiche discjamant il modul che si pues cjatâ achì sot e mandantlu cu la pueste eletroniche, compilât dal dut, al recapit aulus.aps@gmail.com, cu la prove dal paiament (PayPal o bonific).

Modul di domande di iscrizion

Se tu sês za soci e tu âs voie di confermâ la tô sotscrizion, alore al baste fâ il paiament e visânus par pueste eletroniche a aulus.aps@gmail.com.

Chescj a son i dâts pal paiament (il cost al è, pal 2023, 15 €)

PayPal:

Bonific bancjari:

  • Aulùs Aps, Civibank sede di Pasian di Prato
  • Iban: IT 83 I 05484 64070 CC1013200500;
  • Causâl: Quota associativa 2023 "nome cognome".

Altris articui


fur